|
ბუნებრივი კატასტროფების განყოფილება
1. ინფორმაცია განყოფილების შესახებ და საშტატო შემადგენლობა
განყოფილება ჩამოყალიბდა ინსტიტუტის დაარსებისთანავე 1929 წელს და მისი
არსებობის მანძილზე ის სხვადასხვა სახელწოდებით იყო ცნობილი:
„ღვარცოფული კვლევების განყოფილება“, „სამთო მელიორაციის ლაბორატორია“
და „სამთო მელიორაციის განყოფილება“, რომელშიც შედიოდა „ღვარცოფული
ნაკადების ნატურალური კვლევის სექტორი“.
განყოფილების შემადგენლობაში ფუნქციონირებდა არახვეთის საცდელი პუნქტი,
სადაც ინტენსიურად მიმდინარეობდა ეროზიულ-ღვარცოფული მოვლენების საველე
კვლევები. განყოფილების არსებობის მანძილზე დამუშავებულია ეროზიულ-ღვარცოფული და
წყალდიდობების საწინააღმდეგო პრევენციული ღონისძიებები საქართველოს
მრავალ მდინარეზე და წყალსადინარზე, მათ შორის აღსანიშნავია
მდინარეები: დურუჯი, ლასკანდურა და მლეთის ხევი, რომლებზეც თითქმის
უწყვეტად მიმდინარეობდა საველე კვლევები.
მიღებულია მრავალი პატენტი და გამოგონება ეროზიულ-ღვარცოფული
მოვლენების საწინააღმდეგო ნაგებობებზე. განყოფილების ამჟამინდელი სახელწოდებაა „ბუნებრივი კატასტროფების
განყოფილება“, რომელსაც ეროზიულ-ღვარცოფული პროცესების ლაბორატორიული
კვლევებისათვის გააჩნია უნიკალური ღვარცოფსაკვლევი დანადგარი და
ჰიდრავლიკური ღარი. საsურველია მათი მოდერნიზაცია.
დღეისათვის განყოფილების მეცნიერული კვლევის საგანს წარმოადგენს
გარემოს მდგრადი განვითარების უზრუნველყოფა. აგროეკოსისტემებში
წყალდიდოდებისა და ეროზიულ-ღვარცოფული პროცესების რისკის მართვა და
შესაბამისი პრევინციული ღონისძიებების დამუშავება თანამედროვე ახალი
ტექნოლოგიური მიღწევების გამოყენებით.
განყოფილების თანამშრომლები :
-
რობერტ დიაკონიძე -
განყოფილების ხელმძღვანელი, გეოგრაფიის აკად. დოქტორი;
-
ოთარ ნათიშვილი - მთავარი
მეცნიერ-თანამშრომელი, ტექნიკის მეცნიერებათა დოქტორი, პროფესორი,
საქართველოს მეცნიერებათა ეროვნული აკადემიის აკადემიკოსი;
-
ზემფირა ჭარბაძე - მეცნიერ -თანამშრომელი;
-
ნინო ნიბლაძე - მეცნიერ-თანამშრომელი;
-
ქეთევან დადიანი - მეცნიერ-თანამშრომელი.
|